Tweet

Tell a Friend

ನಮ್ಮ ಅತ್ತಿಗೆ

ನಿತ್ಯ ನಮ್ಮ ಮನೆಯಲಿ
ಅತ್ತಿಗೆಯ ಮಾತುಗಳದ್ದೇ ಸದ್ದು|
ಸದಾ ಬಿಡುವಿರದ ನಗುವೇ
ಸಕಲಾರೋಗ್ಯ ತಂದಿರುವ ಮದ್ದು|

ಕೆಲಸದಲಿ ಅವಳೆಂದೆಂದೂ ಮುಂದು|
ಒಂದು ಕ್ಷಣವೂ ಕೂತವಳಲ್ಲ ಮನನೊಂದು|

ಅವಳು ಮಾಡುವ ಬಿಸಿಬಿಸಿ ಮುದ್ದೆ|
ತಿಂದರೆ ತರುವುದು ಸವಿಸವಿ ನಿದ್ದೆ|
ಅವಳ ಕೈ ಅಡುಗೆ ರುಚಿಯ ಗಮ್ಮತ್ತು|
ಎಂದೋ ಮರೆಸಿಹುದು ಅಮೃತದ ಕಿಮ್ಮತ್ತು|

ಆದರೆ ಅವಳು ಊರಿಗೆ ಹೋದಾಗ
ಬರುವದು ಊಟಕ್ಕೆ ವಿಪತ್ತು|
ವಿಧಿಯಿಲ್ಲದೆ ಅಲ್ಲಿ ಇಲ್ಲಿ ತಿನ್ನುವ ತಿಂಡಿ
ತರುವುದು ಹೊಟ್ಟೆಗೆ ಅಪತ್ತು|

ಬರುವ ಅಥಿತಿಗಳಿಗೆಲ್ಲ ಅವಳೇ ಆಸರೆಯ ಸಾರಥಿ|
ಅವಳಕ್ಕರೆಯ ಮಾತುಗಳೇ ಅವರಿಗಾನಂದದ ಆರತಿ|
ಅವಳ ಆದರ-ಅಭಿಮಾನದ ಸತ್ಕಾರವೇ ಎಲ್ಲರಿಗೊಂದು ಸ್ಪೂರ್ತಿ|
ಬದುಕಲಿ ಅಣ್ಣನಿಗೆ ಒಲಿದ ಅವಳೊಂದು ಗುಣಸಂಪನ್ನ ಮೂರ್ತಿ|

-- ಸುನಿಲ್ ಮಲ್ಲೇನಹಳ್ಳಿ

Rate : Currently 2.60/5 1 2 3 4 5 Rating: 2.6/5 (5 votes cast)

Views: 26722 | Submitted: 2008-07-09